潮福蒸氣石鍋 (已結業)

寻晚朋友带咗我去呢间餐厅到食蒸气火锅，d嘢食都唔错。我地拣咗任食，价钱已经包咗每人4款海鲜、一盅汤、半只乳鸽，同饮品任饮包括Asahi/竹蔗芽根水等等。不过佢张点餐纸写得好混乱，搞到我地要系咁问侍应即系每人有d咩。送嘅海鲜方面，美国桶蚝（每人一只）、鲍鱼、大元贝都好鲜好好食，但系个日本蚌就争d......后来侍应话我地知，其实叫虾都好好食。送嘅乳鸽都好好食，食完想再食......呢到d蟹好多膏，而且蒸完好甜，任叫嘅食物方面，和牛粒同鸡系最好食，牛肉都好食但有时肥有时瘦，质素无牛粒咁稳定。呢到有专人为大家蒸食物，同埋佢地会同你吹下水讲下笑，都食得几开心。不过因为每次只蒸一种食物，感觉上食得好慢同好难叫到好多转，慢慢食下食下又好快饱，所以下次会试下散叫。