利得火鍋

营业中

休息中

同老公好番, 当然要食餐好啦! 老公之前成日都话利得个汤底好好味, 今次终于试到啦!老公知我钟意饮蕃茄汤, 所以专登叫咗个蕃茄鱼汤底, 未落生料去滚前饮一啖, 哗! 好清甜好浓郁, 绝对唔系味精汤, 所以饮多两啖都得, 正! 而且入面有好多蕃茄, 好新鲜好大个架!老公叫咗我哋最爱花蛤皇, 好大只, 同只汤匙一样大架! 好新鲜好鲜甜.当然唔少得我最爱贵花蚌啦! 好厚肉好爽脆, 人间极品呀!老公话想个汤底甜啲, 所以叫咗鸡脚放埋落去滚, 我哋都冇食到啲鸡脚, 可惜, 鸡脚作用不大, 因为佢越加汤反而越淡, 我觉得开头未滚生料前仲好饮啲.呢度有个好处, 所有同价钱o既食物都可以双并, 令我哋两公婆人少少都可以食多几款o野, 非常好呀!总括所有食物都非常新鲜, 汤底鲜甜, 可惜同晚刚刚有两围枱系生日, 所以有啲嘈啰! 如果系两公婆撑枱脚, 呢度未必系最佳选择, 但我都系好多谢老公同我食咗一餐咁丰富o既边炉呀!