幸腹滿屋日本料理 (已結業)

其实之前已经帮衬过晚市，觉得食物、服务各方面都唔错！于是衬今日放假，试食lunch!我叫了个极上鱼生饭午餐，有牡丹虾、Toro、海胆、三文鱼子等，新鲜、卖相不错，确实性价比高，食物质素ok！而一般嘅waiter & waitress 服务亦都好好！唯独中年男收银员揸fit人，服务太差、无礼貎！我两点后入坐、已经过咗lunch高峰时间、开始无咁多人食、于是我要求换一个比较舒适嘅位置食、但佢随即黑面、仲要补一句如果有人嚟，要换番张枱比人哋坐！其实如果有其他客人嚟，侍应有礼貎同客人讲，相信大部分客人亦会配合！但呢位收银员可能上EQ太差，或者之前遇过无理客人不配合！希望佢能好好改善自己待人接物！要不真系同老板倒米！