福滿庭酒家 (已搬遷) 新店位置

食物好，可惜服务一般。作为街坊酒楼嘢食都唔错，所以吸引左附近几条村的街坊黎食饭同饮茶。好多时街坊酒楼都有呢啲问题，例如要人到左叫飞等位、枱同枱好迫、唔够楼面、成日都漏单呢啲，由细食到大的褔满庭，或多或少都有会…今日就好啲，下午1点左右黎到，咁岩拎到张细枱唔搭枱，等左一阵就有得入。叫左滑蛋虾人炒河，卖相好靓，蛋金黄色，虾仁大大只，而份量都几大碟。 炒河粉选拣厚薄适中，炒底再加上滑蛋虾仁湿芡捞埋食，调味浓啖亦岩岩好。牛肉肠粉，皮薄又软滑，但变左新式的做法，预先分开成6件，坐大家唔系咁熟的，就唔驶担心夹开条肠粉后，一件大啲一件细啲。鲜虾饺，呢度似乎虾系出色嘢，虾爽口弹牙，虾饺唔似预先蒸定，皮薄好烟韧，虾味鲜甜。雪山叉烧饱，一般般，外面只系洒左糖霜，但雪山叉烧包外面唔净系糖霜黎。鲜竹卷，正路嘢，似工场拎返黎加热的味道，似层相识𠮶啲。药材鸡脚，够哂腍，汤底浓，食到好多骨胶原咁，但唔够热，有只鸡脚无俾汤浸到的部份系冻的。最后揾左阿姐叫加乳鸽，呢样无纸写，就咁拎住餐牌同阿姐落，等左20分钟都无上台，走到出收银check 单系无落过。补返落后5分钟就上台。成个场得3个姐姐楼面，食完成枱碟都无人收，又无