陸羽茶室

营业中

休息中

数一数最少七，八年冇嚟陆羽食饭，难得朋友叫到，终于再次重游旧地，食物依旧，很多嘢却变化不少。因为我旧时嚟过几次，所以由我发办，我点了每次来必食嘅：杏汁白肺汤虾多士波萝咕噜肉云腿鸽片柚皮扒大鸭碧绿生鱼片豆腐鲮鱼球煲合桃露＆杏仁露坦白说，食物味道尚算keep到，个猪肺汤依然好饮，个柚皮依然入味，云腿鸽片依然精致。可惜个咕噜肉冇咗紫姜（可能唔啱季节），反而个鲮鱼球相当好食。不过...真系太贵...所有小菜280起步（讲紧普通一个青菜），其他好多都四，五百一个。而且我哋十一个人，侍应话一份唔够食，全部小菜要起双～😱埋单找数差不多五千，比起旧时好似贵咗好多...值得一赞的是，侍应态度比起旧时真系完全不同，没了以往那种爱理不理，盛气凌人的态度，反而相当耐心解释和等待，而且非常好服务，我们叫四个白饭，佢知道我哋谂住share食，佢主动话个饭比较大，帮我哋每个分开两碗，非常贴心。虽然食物和服务都唔差，但我应该不会太常来，毕竟对我来说，真的太贵了...