影片
更多
2020-11-28
756 浏览
嘢食几好食，有创意，会送餐包同埋罗宋汤，罗宋汤好足料，但啲员工真系麻麻。尤其一个女侍应，返工成日都喺度玩，又跳晒舞喺度in, 又玩大声公。一入到去，一个人都冇，呢个女侍应叫我哋坐喺近墙𠮶边，但我哋话想坐窗口𠮶边，佢有啲反白眼，跟住就走咗唔理我哋，有第二个是影继续serve我哋，都算，少事。跟住成日喺度玩，极度唔专业。到我哋差唔多食完（其实我哋仲未食完，只不过已经放慢晒）佢以为我哋食完，佢就用个大声公向住我哋大嗌，话食完野嘅顾客要戴口罩，但𠮶刻我个嘴仲郁紧㖞，你要我带返口罩都算啦，有冇必要要用个大声公来讲呢？识唔识咩叫尊重呢？你觉得有需要你咪行过嚟讲啰，使唔使用大声公等全间餐厅嘅人都听到呢？ 同埋其实我哋觉得佢只系想拎个大声公来玩，呢个先系用大声公嘅重点，佢根本全程都喺度玩紧。再讲返上一次我哋带埋BB嚟，我哋嚟到，问佢有冇BB櫈，佢态度好不屑咁话：我哋啲BB櫈抌晒啦，冇BB櫈㗎喇。感觉系佢好唔自在，你哋钟意食咪食，唔钟意食就走啰，咁我哋最后系走嘅，佢系态度系完全系冇所谓，你哋走就走咁款。呢个女侍应真系帮间餐厅倒米啊，如果个老细系重视间餐厅嘅生意，唔该炒咗个女仔啦，侍应一啲都唔专业，好似请
尤其一个女侍应，返工成日都喺度玩，又跳晒舞喺度in, 又玩大声公。
一入到去，一个人都冇，呢个女侍应叫我哋坐喺近墙𠮶边，但我哋话想坐窗口𠮶边，佢有啲反白眼，跟住就走咗唔理我哋，有第二个是影继续serve我哋，都算，少事。
跟住成日喺度玩，极度唔专业。
到我哋差唔多食完（其实我哋仲未食完，只不过已经放慢晒）佢以为我哋食完，佢就用个大声公向住我哋大嗌，话食完野嘅顾客要戴口罩，但𠮶刻我个嘴仲郁紧㖞，你要我带返口罩都算啦，有冇必要要用个大声公来讲呢？识唔识咩叫尊重呢？你觉得有需要你咪行过嚟讲啰，使唔使用大声公等全间餐厅嘅人都听到呢？
同埋其实我哋觉得佢只系想拎个大声公来玩，呢个先系用大声公嘅重点，佢根本全程都喺度玩紧。
再讲返上一次我哋带埋BB嚟，我哋嚟到，问佢有冇BB櫈，佢态度好不屑咁话：我哋啲BB櫈抌晒啦，冇BB櫈㗎喇。
感觉系佢好唔自在，你哋钟意食咪食，唔钟意食就走啰，咁我哋最后系走嘅，佢系态度系完全系冇所谓，你哋走就走咁款。
呢个女侍应真系帮间餐厅倒米啊，如果个老细系重视间餐厅嘅生意，唔该炒咗个女仔啦，侍应一啲都唔专业，好似请返来玩咁
张贴