法老王 (已結業)

本身想食巴东菜，但揾极都揾唔到。然后经过呢间法老王餐厅，见同巴东菜式差唔多，就入咗去试呢间埃及菜。一坐低，老板娘就好好人咁细心介绍佢嘅菜式。然后叫咗一份芝士焗蘑菇（冇影到相)，同一份羊肉卷（唔记系叫咩名）羊肉卷几出色👍🏻👍🏻本身都几钟意食羊，略嫌唔够羊臊味。多汁，菜同肉唔会太多唔会太少，份量都几啱啱好，但略嫌唔够热。芝士焗蘑菇个样似冬菇唔似蘑菇，一口一件，虽然有俾酱料可以点黎食，但都系好似冇乜味道。烤鱼开头冇叫到，因为见价钱都几贵，$168（好似系）但最后见老板娘极力推介，话食完之后嘅客人都返转头问有冇鱼食。所以就试吓。最后竟然最出色系呢条鱼。如果去食一定要叫，真心唔错👍🏻👍🏻👍🏻