一寿司+ (已結業)

是咁的，我地两个人原来book左6:45pm，但我朋友6:30pm就到左，又唔想行，所以想入去坐住先，点知侍应话，堂食时间系入坐起计1.5小时，于是我朋友等埋我先去……个日系星期四，估唔到都要计到咁足，算啦……我地唔系第一次食，系觉得佢食物好先再来。主要叫左寿司，特别出色的系牡丹虾、剑鱼三味、同埋左口鱼边，好鲜味，稍为失色系海胆，苦苦的，份量亦小。其他我地叫左三文鱼刺身沙律同埋吉列炸蚝，呢两样都系每之必点，个沙律d菜系好新鲜好脆，三文鱼铺满个面，醋汁酸甜适中，系好抵食既食物；另外，炸蚝好大只，肉肥多汁，食到lam lam脷。其他我地叫人落单、加水茶，应左我又唔做，挂住系部落单机旁嬉笑，已经唔系好like。我地边食边倾食到8:15pm，都未食完(虽然只系仲有半碟沙律)，佢真系叫我地埋单，但当时成间店只系full左一半，无人等位，咁都赶人走，讲真你间野都唔系好平，我又食晚餐，驶唔驶咁赶客？两个人食左$47x蚊，其实唔系好多野，因为d寿司系偏细件；但今次觉得d服务系好差，系无人等位、客又未食完野既情况下赶人走，绝对系大忌，讲起都嬲嬲地，下次食其他算。