影片
更多
2012-07-03
21 浏览
九龙湾新开了一间食上海菜的餐厅, 星期二同同事嚟左试下新嘢,我地三个人,餐厅环境都好靓及好有特式, 我地点左生煎包,小笼包,鸡丝粉皮,炸鸡排担担面,红油抄手,酒酿小丸子一齐食,食物上菜速度都几快,生煎包有四个,卖相都好吸引,虽然唔系热辣辣,但系入面D汤汁多到喷出嚟,好JUICY呀!! 味道都好好,啱啱好唔会太咸或太淡,GOOD!!鸡丝粉皮,炸鸡排担担面都唔够麻酱味,冇左果种香味,鸡丝粉皮一般啦,都多料的,但系唔够人地果D做得咁好味,咁香及入味呀!碗担担面仲要好细碗添呀!!炸排扒都几好味,几香脆的,唔会太油,但系D面唔够爽口,同埋面质都麻麻地,好幼,唔似人地其它上海菜既面,我都系钟意食粗身少少,面质弹少少爽口少少果种呀!小笼包都好多汤汁,细细粒容易食,好味呀! 红油抄手OK啦,唔系好辣,都好味的,有六粒的. 酒酿丸子好香酒味呀,我钟意呢个呀!都好多粒丸子,仲有好香桂花味添呀!!过左两日,同事话佢屋企收到呢度的20元COUPON去到月尾,我地啱啱有个同事果日LAST DAY,所以就嚟左呢度再食过,今次六个人,谂住叫一些炒饭及面啦,点知选择好少,我地叫左一个大良炒饭,一个炒面,但系份量实在非
鸡丝粉皮,炸鸡排担担面都唔够麻酱味,冇左果种香味,鸡丝粉皮一般啦,都多料的,但系唔够人地果D做得咁好味,咁香及入味呀!碗担担面仲要好细碗添呀!!炸排扒都几好味,几香脆的,唔会太油,但系D面唔够爽口,同埋面质都麻麻地,好幼,唔似人地其它上海菜既面,我都系钟意食粗身少少,面质弹少少爽口少少果种呀!
小笼包都好多汤汁,细细粒容易食,好味呀! 红油抄手OK啦,唔系好辣,都好味的,有六粒的. 酒酿丸子好香酒味呀,我钟意呢个呀!都好多粒丸子,仲有好香桂花味添呀!!
过左两日,同事话佢屋企收到呢度的20元COUPON去到月尾,我地啱啱有个同事果日LAST DAY,所以就嚟左呢度再食过,今次六个人,谂住叫一些炒饭及面啦,点知选择好少,我地叫左一个大良炒饭,一个炒面,但系份量实在非常细,一个人的份量都唔够,价钱十分唔抵食,一个饭要58元,一个面要38元,有少少揾笨呀!!个饭味道都OK,有几只虾仔系面,每人三啖食晒,其实系好普通的豉油炒饭加几只虾,真系好唔抵食,另一个个名唔记得系咩面,但系一看就知系豉油皇炒面,个碗好大,但系D面只有三份之一,唔讲以为俾人食净的,味道好咸呀!!唔好食.又唔抵食.
我地都有叫生煎包,小笼包,仲有叫醉鸡,醉鸡又系少得可怜,只有六件左右,每人一件炸,叫左一个豆浆胜瓜,份量适中,味道都OK的,胜瓜都几爽口,有些云耳系面,有些豆浆味,不过唔唔系太出.还有叫左一客手抓饼,两件细细件,又系好少,味道都OK的,但唔似手抓饼,因为人地果D系好疏的,但呢度系一块饼,感觉有点唔同.
食食下中途发生左意外,同事头上面的天花转风扇突然个名壳跌左落嚟,打中左我同事只手,虽然冇咩事,不过都十分恐布,仕应们都好紧张的在询问同事的情况,跟住过了一阵仕应都话会送番一份甜品拼盘给我们,份甜品并盘有三款,芒果布甸四杯,绿豆糕四件,桂花桂四件,我食左绿豆糕及芒果布甸,绿豆糕细细件,入面有些红豆蓉的,都好好味,好似台湾的绿豆糕味道,芒果布甸都好大杯,芒果粒都好多,都系甜的,好味呀!!
经过两次的午餐后的感觉系呢度只可以食包点,炒饭面系唔掂既. 环境都好好,可能新开既关系,好多人系度等位,不过流量都好快的呀!!
张贴
