波士頓餐廳

营业中

休息中

波士顿餐厅系我儿时回忆，今晚自己一个去食下，重拾呢段回忆楼梯上到去，就安排我坐张最近楼梯口个位图中个黑色衫好串咁话：一个呀？呢度啦坐落去就知中伏，个位完全对正个厕所门本来谂住算啦，自己一丁友但人地出出入入一打开道门，有阵异味飘出来，我戴住口罩都闻到。然后我要求换枱，咁就同最近我果位职员（收银）讲，之后个黑色走埋来眼超超话：呀先生，你将就下啦，其实呢入面个厕所，同你眼前个厕所门距离好远，唔会有问题 如果你换，入面执紧枱，你坐返系度等我即刻话：如果你去食饭，人地安排张枱对正个厕所门口，你都冇胃口食啦？之后条友冇声出，但眼超超，嘴秒秒，口up up。幸好顺利换返张比较好的位。至于食物方面，叫左个美极鸡扒，虽然份量多，但鸡扒食落好「un」，好大阵油益同雪藏味...感觉就同茶餐厅下午茶*炸鸡扒配沙律/薯条*的果块鸡扒一样今餐饭本身想自己一个享受下，重拾回忆，但谂起呢位侍应（定captain）的态度，真心非常失望。见我自己一个就恰9我，整张对正厕所门口的枱，在等佢「重新安排一张枱」之间，我发现其他2位2位上来 就全部坐正常位。