小島•澳門菜 (已結業)

星期日、六点就去揾食，同朋友两个叫咗三个𩠌，烤猪手、肉肠炒杂菜同埋酿鱿鱼。但系唔记得影相，酿鱿鱼啲鱿鱼好硬，不试也罢！烤猪手皮脆，但系肉冇咩味，炒杂菜反而最好味，真系有好多种蔬菜系里面，椰菜、芥兰、两三种菇类、粟米芯、橄榄及肉肠。仲叫咗一壶西班牙红血橙花茶，味道酸酸地，有啲橙皮香味，都算清新可口。环境都坐得好舒服，冷气足。最奇怪就系，我哋未叫埋单，只系预备用优惠券找数，攞啲券出嚟数下嘅时候，突然间一个女职员伸出一个收钱嘅盘系我哋面前，就如叫我哋立即付帐，好唐突！好无礼貌因为我哋冇叫埋单！我睇返呢度嘅食评，好多都系批评呢间餐厅嘅职员，我谂佢哋真系要检讨吓！