貳號冰室 (好運中心)

营业中

休息中

是日继续沙田早餐觅食，今日来左好运中心既贰号冰室；装修格局好新净，空间布局同一般茶记差唔多。早餐选择方面，都算丰富但价钱方面整体而言都偏小贵……或者可能主因系铺头位于好运中心啦，所以依个价钱叫做唔系好贵，依家屋邨茶记都系咁上下价钱。但系沙律、多士加个黑松露炒蛋要$48，就真系小贵。最后叫左个早餐A，转米粉，加杯走甜冻OT，埋单$44大元。份量其实唔算多，但都填饱肚既，炒蛋都几湿润，唔会炒到好干。白色汤种面包，开头我以为系馒头😂但后来睇清楚原来系面包，自问食唔出同一般面包有咩分别😅唯一分别就系多左几粒提子干。整体而言小贵，份量唔算好大份，味道尚算可以。