原居民 (已結業)

本身行去韩国街揾野食, 行行下觉得唔想食咁热气, 咁辣, 所以都系投降去食西餐。呢间野完全唔起眼, 通常大家起路边都系路过, 所以睇到餐牌先发现原来系餐厅,入到去人都冇乜, 但餐单都富丰, 价钱百零蚊至4百几蚊都有, 咁谂住做完野辛苦同老婆食餐好少少, 食贵少少都OK, 大家都点左个要4百几蚊埋单既餐。不过点餐时系位阿姐来点, 一句「食咩?」, 难听D讲, 臭口臭面, 仲衰过茶餐厅阿姐,系个阿叔就叫做有D笑容, 上餐个阵都会问我地试唔试下甜品。味道其实OK的, 以咁既人数黎讲唔洗迫算系咁, 唔太差。不过中途叫饮品, 叫倒水, 都系KEEP住臭口臭面, 老实讲真系唔开心,唔怪得而家服务业成日俾人话唔识笑, 其实唔笑之余, 如果加埋臭口臭面,咁个经历就唔多令人LIKEY。埋单个阵个其他阿姐埋, KEEP住一贯既臭口臭面, 我心谂, 咁我都食左两个餐呀, 都唔系CHEAP客呀, 我又冇得罪你, 系咪真系咁唔忧做? 咁唔想做我生意?埋单走左之后老婆都同我有同感, 大家都觉得佢地好臭口臭面, 我谂唔会有下次。