英皇紅酒扒房 (已結業)

成日搭车都经过英皇道呢一间餐厅，看似几有外国风情，所以一直想试。其实食物唔算差质素，但系服务真系差。上汤同埋上嘢食嘅时候又唔问吓边位客人食啲乜，基本嘅功夫完全冇做。都唔紧要好小事，我可以自己来。但系店员声称牛扒卖晒，想拣德国猪手又卖哂，咁我咪拣意粉啰！点知食食吓意粉又见到隔离枱有得食，果下真系好嬲。店员话系牛柳，但系点睇都系牛肉眼。讲番啲食物，忌廉南瓜汤但冇乜忌廉，味道尚算可以，都系浓嘅而且有啲肉。多士几脆口。黑松露杂菌意粉有一阵好奇怪嘅奶味，唔知点解。又未去到难食嘅，普普通通咁啰。但系成一旧水都唔系平。冇下次。