香港郵意 (已結業)

为咗开会揾咗依个地方 ～真·龙虾肉 蕃茄酱意粉睇咗好多食评先敢叫依个粉，真系龙虾肉嚟㗎，蕃茄粉就正常嘅茄粉，冇乜特别。本身钟意食酸野，整体味道唔错。到嘢饮啦，依杯Americano打破咗我对咖啡嘅印象，我竟然饮得出凉茶嘅味道，好淡同少苦，冇乜咖啡嘅香味...话系饮过最难饮嘅咖啡都不为过。作为「文青圣地」但咖啡难饮好似有点说不过去。另外如果你好肚饿，千祈唔好嚟依度，因为佢哋出嘢食嘅速度系奇慢！我哋成枱六个人，每个人都要等45分钟至一个钟先拎到嘢食，食物嘅质素祗系好一般。虽然杯嘢系好唔掂同嘢食都系一般，不过喺尖沙咀有一处可以买杯嘢饮就唔限时、有wifi、有得叉电、又啱开会讨论嘅地方，实在唔容易。依度楼底唔高，声音集中（不过相对亦会容易听到隔离台嘅声），如果想需要用电脑工作或者开会都唔错，同埋通常wall-in都会有位。见佢好评都唔少，依个质素嚟讲有点失望。