影片
更多
2023-03-20
2987 浏览
当晚6点左右Walk in想唱K，见指示牌话Red MR都系去Cosmos个层柜台，帮衬前亦再次问定柜枱想唱Red MR系咪都系到登记。点知最后都系派我地入Cosmos个层，问职员就话因为得2个人，点都只会比Cosmos嘅房。当下已经好不满，点解前台明知我地想唱Red MR，唔预先讲定呢件事比我地知。死死地气就忍佢一次当试新嘢，虽然一早知Cosmos都系Red MR旗下，但食物同唱K音质都系最差，就算同另一间K房比较都系伏到傻。首先，价钱上已经唔算平，每人$300左右唱2个半钟。虽然金额系可以当做饮食消费，但食落先发现食物差到难以想像。-烧美国谷饲肉眼扒配薯格，烧汁总共有两块肉眼扒，另附烧汁，牛肉算正常，但牛味唔系特别香。最神奇系睇落最简单嘅薯格，竟然可以炸到无乜薯仔香，口感又奇怪，应该系人生中第一位最难食嘅炸薯格，求其系快餐店买都好食过佢。-肉酱芝士薯条芝士酱几多，肉酱系有辣度，薯条比连锁快餐店再粗身少少，但将车打芝士酱同肉酱夹埋有啲奇怪，个人认为唔太夹。-炉端烧拼盘一碟内有大葱、牛舌、鸡翼、鸡软骨同冬菇，唔明点解简单如鸡翼同冬菇嘅菜式，味道都怪怪地。得牛舌叫可取少少，口感仲有啲韧性
首先，价钱上已经唔算平，每人$300左右唱2个半钟。虽然金额系可以当做饮食消费，但食落先发现食物差到难以想像。
-烧美国谷饲肉眼扒配薯格，烧汁
总共有两块肉眼扒，另附烧汁，牛肉算正常，但牛味唔系特别香。最神奇系睇落最简单嘅薯格，竟然可以炸到无乜薯仔香，口感又奇怪，应该系人生中第一位最难食嘅炸薯格，求其系快餐店买都好食过佢。
-肉酱芝士薯条芝士酱几多，肉酱系有辣度，薯条比连锁快餐店再粗身少少，但将车打芝士酱同肉酱夹埋有啲奇怪，个人认为唔太夹。
-炉端烧拼盘一碟内有大葱、牛舌、鸡翼、鸡软骨同冬菇，唔明点解简单如鸡翼同冬菇嘅菜式，味道都怪怪地。得牛舌叫可取少少，口感仲有啲韧性。
-Fruit Punch普通嘅杂果宾治，无特别之处。
题外话/补充资料：
K房音质好似有层隔膜咁，好唔清晰，食物又难食，就算佢房内装修比普遍K房靓少少，但我都觉得揾唔到再帮衬嘅理由。
(以上食记乃用户个人意见 , 并不代表OpenRice之观点。)
张贴
