影片
更多
2016-04-18
610 浏览
之前食过一次，觉得食物吾错，今日再帮衬，但真系差天共地。同样叫了最出名的佳偶天成饭，沙爹肥牛捞丁加两杯冻柠茶，14:28pm入单，先到两杯饮品，到14:48pm仍然未有得食，反而迟我落单就有得食，见另一台客追单，员工大大声话面要等十五分钟，等多阵啦，客人就话等左超过廿分钟有多，吾等，跟住取消张单走左。我再继续等，三点钟我碟饭终于到，两旧藕饼一切开，里面未熟兼散哂，饭更是冻的（正常应该系有烟出或者系热嘅），向员工反映，只见急急收走两件生藕饼，想影相都吾得，五分钟后，肥牛丁到了，只有两片肥牛都吾系问题，但沙爹酱捞面pat酱就咁放面同咸到入吾到口，同时间，另一客人入舖，同样叫佳偶天成饭，但五分钟就上餐，即时问员工攞投诉电话，却获递上一张价钱单张，后来另一员工走上前问咩事，有员工大大声话有人要投诉呀！跟住更即时收走果碗咸死嘅沙爹酱肥牛丁，我真系觉得好吾尊重客人同好无诚意，最后埋单，两杯冻柠茶加一碟佳偶天成饭，收左我$64，但两旧生藕饼无食过，点解吾系收鸡扒饭价钱呢？算数，如果吾系之前食过一次觉得好好食，我一定吾会黎，经过呢餐，更加确定就算吾驶钱我都吾会再帮衬。后话，我吾想知呢间食店老板系点样培
后话，我吾想知呢间食店老板系点样培训员工嘅顾客服务，但我要嘅系总公司嘅投诉电话，吾系舖头电话。
张贴
