影片
更多
2017-05-21
572 浏览
有时网上嘅comment，真系有可信价值。呢度咁多食评话呢间嘢服务态度差，我都要试，抵我大开眼界！一入到去，同佢讲2位，佢指一指张吉枱，完全无谂过带你入去，都算，可能当时人多，咁我哋自己坐低啦，坐咁耐水都无杯。到点嘢食，个侍应好似发梦咁，我男朋友个生牛肉粉食哂咁滞，我个猪颈肉粉同share 食嘅蒜蓉牛油鸡翼影都未见。咁我追佢啦，个侍应听完应都无应我，走去厨房嬉皮笑脸咁话: 争个猪颈肉同鸡翼呀！讲讲吓见佢哋成班人堆起部机前，应该系发现无落单啦。结果等咗成25分钟先到，完全无唔好意思！个猪颈肉质地似汤渣，系我食过最难食嘅猪颈肉！鸡翼都有好劲嘅雪藏味，虽然唔贵但茶餐厅都好食过佢！呢间嘢请我食都唔会再嚟，成班后生侍应态度咁差，系比食物差更令人气结嘅地方！奉劝大家唔好去受气！
一入到去，同佢讲2位，佢指一指张吉枱，完全无谂过带你入去，都算，可能当时人多，咁我哋自己坐低啦，坐咁耐水都无杯。
到点嘢食，个侍应好似发梦咁，我男朋友个生牛肉粉食哂咁滞，我个猪颈肉粉同share 食嘅蒜蓉牛油鸡翼影都未见。咁我追佢啦，个侍应听完应都无应我，走去厨房嬉皮笑脸咁话: 争个猪颈肉同鸡翼呀！讲讲吓见佢哋成班人堆起部机前，应该系发现无落单啦。结果等咗成25分钟先到，完全无唔好意思！
个猪颈肉质地似汤渣，系我食过最难食嘅猪颈肉！鸡翼都有好劲嘅雪藏味，虽然唔贵但茶餐厅都好食过佢！
呢间嘢请我食都唔会再嚟，成班后生侍应态度咁差，系比食物差更令人气结嘅地方！奉劝大家唔好去受气！
$170
44 浏览
0 赞好
0 留言
张贴
