香香宮煮 (金輝大廈)

营业中

休息中

火锅之选有朋友喺英国返嚟一行六人入到去佢系一个宫𨒂式嘅装修，酱料亦都已经放好喺每一台嘅枱面因为我哋懒嘅关系，所以我哋直接叫咗一个牛魔王六人餐去分别就有两个锅，油甘鱼刺身，一大盘唔同款式嘅牛肉，一碟，西班牙猪肉，各式各样嘅海鲜，非常出色嘅鲜炸响铃，当然唔少得嘅仲有其他啲手打丸墨鱼滑虾滑，同埋蔬菜仲有两壶竹蔗茅根。我哋嗌咗花胶鸡汤同卜卜蚬煲个花胶鸡汤，汤头非常浓郁，我哋六个人都赞！而卜卜蚬煲个汤底就冇花胶鸡汤咁好饮，不过蚬肉嘅份量好充足，食到最尾都仲有。油甘鱼方面，系厚切，份量充足，非常新鲜鲜甜，差啲多到食唔晒。再讲牛肉方面，牛肉亦都系手切质数同份量亦都唔错。佢未算入口即溶，但系就算煮耐左少少，都唔会鞋晒。我个人最喜欢系花雕醉牛肉。海鲜亦都新鲜唔马虎，带子蛏子系大大只嘅，鲍鱼亦都系南非鲍唔系大连鲍。亦都配合返成个装修，个竹蔗茅根系用一个好重手嘅龙头水壶装住，igable!食物质素系唔差，不过环境方面就争少少，可能我哋坐喺门口嘅关系𠮶日亦都系比较冻不断有啲风喺门口吹入嚟，我成个人唔系好舒服，座位亦都系相对比较窄。