天澄閣

营业中

休息中

信信学校第二年黎呢度搞春茗，我自己都几钟意呢度，因为够近屋企！同埋呢度场地都宽敞，食物都几好的！可惜今日信信突然病到，黎唔到表演同食饭，爸爸在家陪伴佢，唯有我同心心做代表出席！之前曾经帮教会揾场地搞晚宴时都同呢度的经理倾过，不过好系中间有柱，如果摆得多围就未必就到，但真系想赞下呢度的装饰，门口都有几多打卡位，包括有靓的大sofa, 仲有个靓corner 同一些小饰物衬托！如果做婚宴应该都靓。我地今次摆左大约18围，间左中间个位，出面仲有位摆散枱。食物方面其实都几好，相信因为budget问题，菜式唔系咩贵嘢但反而觉得系平时去饮少食的，例如芝心百花球，我钟意个芝士啰 另外有个鸡头米南瓜汤浸菜苗，我都唔知咩叫鸡头米，原来就是新鲜芡实，白色一粒粒，营养价值高的。条鱼蒸得刚刚好！其他的菜式平均都OK好味，而且份量都几多，可能因为细路仔多。