上岸料理 (已結業)

今日想同朋友去居酒屋型地方食日本野，几经挑选，去左尖沙咀、上岸料理度订位。坐底就先上一个沙律开下胃，明太子薯蓉沙律。佢食法同一般沙律唔同，唔系直接食，而系用紫菜卷起，再一口气放入口中，又脆又滋味。火炙寿司五件，有三文鱼、吞拿鱼等，摆法别致，肉好厚，而且比饭长，份量十足。另外仲叫左一碟刺身，有黑鲑鱼、叶血引、深海池鱼、池鱼。同火炙寿司一冷一热，变换口感，但都非常新鲜，令味蕾有好高享受！烧蚝，大大只，烧完都冇缩水，咬落有新鲜海水味。另一个小食系吉列南瓜薯饼，薯仔质感浓厚，南瓜带有甜味，炸得刚刚好，食得好过瘾，意犹未尽。今次上岸料理果然冇令人失望，性价比高，食物又唔错，而家尖沙咀好少有咁好价格架啦，推介比大家！