影片
更多
2023-03-22
930 浏览
除咗装修几好，碗碗碟碟几靓之外，冇样嘢好。卫生本来考虑过俾5分，不过影相𠮶阵有只蚊滋系咁嬲住我个饭。去到餐厅冇咩人，得两三枱客，有90%吉位。但系店员都唔俾我坐我想坐的4人梳化位，佢指指两张枱，一系呢张，一系呢张（餐厅中间4人方枱，或梳化位2人细枱）。我唔知逻辑喺边度，就拣咗张二人细枱，直到我走嘅时候，附近的梳化四人枱都冇人坐的。餐厅有两本餐牌，一本主餐牌，一张细餐牌。我同佢讲我要一个小食拼盘，同埋一个菠萝炒饭，佢就问我要边一张餐牌嘅菠萝炒饭，原来两个餐牌都有菠萝炒饭，一个系海鲜，一个系鸡肉。我就叫咗鸡肉。⬇️下图是我叫的小食拼盘食物上枱，我哋两个女仔挂住影相，影完相之后我哋就发觉原本我哋系因为想食沙嗲串烧所以先至叫嘅小食拼盘，唔见咗串烧。咁我就向一个白色恤衫嘅店员查询，佢就话餐牌已经改咗，而家拼盘就系呢啲食物。咁我谂住算数啦，就拮咗一粒鱿鱼上个碟，我朋友就拮咗半件粟米鱼饼上个碟。然后我朋友问我圆形4粒系乜嘢，我都唔知，就问一个黑衫店员这个新拼盘其实包括了什么，我就比手机menu 张相佢睇，话我原先唔系叫呢个拼盘。佢就拎出另外一个Menu，下图：（我之前冇看到）佢话我冇讲清楚，呢个都系叫
去到餐厅冇咩人，得两三枱客，有90%吉位。但系店员都唔俾我坐我想坐的4人梳化位，佢指指两张枱，一系呢张，一系呢张（餐厅中间4人方枱，或梳化位2人细枱）。
我唔知逻辑喺边度，就拣咗张二人细枱，直到我走嘅时候，附近的梳化四人枱都冇人坐的。
餐厅有两本餐牌，一本主餐牌，一张细餐牌。
我同佢讲我要一个小食拼盘，同埋一个菠萝炒饭，佢就问我要边一张餐牌嘅菠萝炒饭，原来两个餐牌都有菠萝炒饭，一个系海鲜，一个系鸡肉。我就叫咗鸡肉。
⬇️下图是我叫的小食拼盘
食物上枱，我哋两个女仔挂住影相，影完相之后我哋就发觉原本我哋系因为想食沙嗲串烧所以先至叫嘅小食拼盘，唔见咗串烧。
咁我就向一个白色恤衫嘅店员查询，佢就话餐牌已经改咗，而家拼盘就系呢啲食物。
咁我谂住算数啦，就拮咗一粒鱿鱼上个碟，我朋友就拮咗半件粟米鱼饼上个碟。
然后我朋友问我圆形4粒系乜嘢，我都唔知，就问一个黑衫店员这个新拼盘其实包括了什么，我就比手机menu 张相佢睇，话我原先唔系叫呢个拼盘。
佢就拎出另外一个Menu，下图：（我之前冇看到）
佢话我冇讲清楚，呢个都系叫小食拼盘，但餐厅已经冇做我叫那个特色小食拼盘了，转了这个。
这时，白衫店员就走过来，（不算礼貌地）话唔啱食就帮我取消，咁我见佢咁嘅态度，咪取消啰。
佢即时收走咗个拼盘兼夹冇讲任何嘢，收埋我哋两个食紧嘢𠮶只碟同埋叉（应该惊我哋食咗碟上边𠮶粒鱿鱼或者粟米饼会着数咗）。
本来佢话cancel𠮶下，我有叫佢比餐牌我谂住再叫食物，不过见到咁样其实几侮辱，条气都几唔顺，所以就冇再叫。好老实如果我要拎着数，我就食多几件先至出声啦。
最奇怪两个餐牌都有菠萝炒饭你就识得问要边一个菠萝炒饭。你两个餐牌都有小食拼盘，点解你又唔问吓个客要边一个小食拼盘？
系唔系每一个客人都要熟读你𠮶两本Menu？
讲返食物质素，净系食咗菠萝炒饭，好咸，配料唔多，饭多。
另外都叫咗杯Fresh coconut juice，佢系有粒粒椰青肉，但系佢比一条幼饮管，都饮得几辛苦，成日塞住。
总结：我好有礼貌咁样问吓佢新嘅拼盘食物其实是什么（真心睇唔出，各位自己可以睇吓张相），同埋反映返这不是我叫的食物。佢就两个男人过嚟，白衫仲比面色你睇，好似我唔啱咁，根本我就冇打算取消碟嘢，你叫我取消，但又要好冇礼貌咁对我。
张贴
