露面手工拌麵料理

同同事去完附近交收货之后肚饿，咁啱呢几日都好想食卤肉饭，同事又想食，所以就拣咗呢度。同事叫咗个卤肉餐，有一个小食，同野饮，配一个大卤肉饭。我就叫个细卤肉饭。之后share d前菜，醉鸡，鸡丝粉皮，酸菜汤小云吞。卤肉饭，d鲁肉好入味，仲要好多好多卤肉，最紧要有埋个卤水蛋，大同细嘅饭都有半只蛋。鸡丝粉皮OK，份量多。另外，个酸菜汤小云吞，酸菜汤令人好开胃，细细粒，D云吞叉皮薄多肉。饮品「极品陈年龙凰柠蜜」好意外惊喜，非常解渴润喉，啱哂我啱啱喉咙干痕。餐有前菜同埋野饮，几抵食，选择多又有水准。