新大壽日本料理店 (已結業)

星期四去咗呢度食饭。食咗串烧包括牛舌、带子'仲有一个唔记得，剌身有象拔蚌、唔记得咩鱼同北海道海胆，之后因为唔够饱，所以就叫多一个寿司拼盘。所有串烧都好香同惹味，而且都用料新鲜；而剌身亦都系，只系个象拔蚌因为话系日本嘅象拔蚌 ，所以份量少得可怜，只系得8、9粒左右，无错系一粒粒嘅，并唔系一块块嘅!!!不过都OK好味。然而，剌身嘅价钱真系偏贵咗些少。最令我觉得喜出望外嘅系最后叫嘅寿司拼盘，有牡丹虾、油甘鱼、𫠒红鱼、吞拿鱼腩、带子等等，同埋6粒用吞拿鱼腩磨碎嘅寿司仔，我最想不到就喺呢6粒竟然咁好食，因为加咗芝麻粒，连埋啲吞拿鱼腩，真系好好味同香口!!!最后，可能我同老婆食咗咁多嘢，所以就竟然有雪糕送㖞；而且，仲有成$150蚊coupon送。总括嚟讲，食物嘅质素系水准以上，而服务方面都OK嘅，因为有几长嘅时间成间铺都只系得我一枱客。所以，我都好有可能会再去嘅。