極上帝王水產

营业中

休息中

放题嘅食肆越做越多, 但系水准非常参差! 我最唔钟意嘅就系食到赶头赶命𠮶d, 食得嘢嚟都同朋友吹唔到水! 呢间【极上帝王水产】就唔错嘞, 可以轻轻松松喺度食个午市放题, 朋友果然无介绍错!👍呢度嘅布置好有日本色彩, 座位方面比起一般放题店算阔落㗎, 眼见环境都算企理!食物款式有好多, 啱晒心大心细、乜都想食嘅朋友!😆 要火锅有火锅, 要烧肉有烧肉, 刺身、寿司、热食、日泰特色食物、甜品一应俱全, 选择仲唔少㖭!👏 我地拣咗极上套餐, 比最基本嘅餐多咗生蚝、海胆、鹅肝、鳗鱼、鲍鱼呢d价位高d嘅食材!咁多样食物, 我最推介👇🔅矶煮鲍鱼🔸大大只、够厚肉、够弹牙🔅鳗鱼🔸肥厚多汁🔅和牛粒🔸非常嫩滑🔅生蚝🔸好鲜味肥美🔅蓝莓鹅肝🔸冇毡味之余仲有清新嘅感觉🔅刺身🔸其实款款都好味同新鲜, 个人最钟意珍宝带子其实样样试少少都好够饱, 最后店员仲提我哋食返个雪糕, 为呢餐丰盛嘅放题划上完美嘅句号。