影片
更多
2009-07-09
14 浏览
5月16日, 今晚口痕痕想打边炉~ 同呀比去咗德兴食9点半边炉. 真系好多人等位~ 不过我地等咗半个钟度都入得! 坐位都算舒服, 仲有电视睇~ 计晒$106, 系冇加$8要混酱… 叫咗沙爹鸳鸯汤底, 即系沙爹拼清汤… 个沙爹都ok辣架wor, 不过真系好好味! 另外仲有任饮的竹蔗茅根, ok甜但唔太漏. 好! 叫野食!::: 肉类 :::打边边就梗系唔少得肥牛! 呢度d牛都几新鲜, 有雪花, 不过牛味就唔太浓. 另外普通料如猪羊鸡手切牛都有~ 特别d有驼鸟肉, 食落比牛肉更好味, 仲有牛展, 烟烟韧韧的比肥牛更有咬口更浓牛味! 仲有唔好食都好玩嘅墨鱼滑同牛肉滑, 真系好滑! 令人惊喜嘅竟然有带子叫! 虽然系细细粒嘅薄切但系味道都唔错.::: 粒粒丸类 :::好欣赏佢d手打肉丸有猪肉丸, 牛肉丸, 鸡肉丸, 墨鱼丸, 细细粒好弹牙而且感觉新鲜. 不过质地实咗d. 其他有d特别丸好似芝士牛丸, 鹅肝猪肉丸就比较逊色. 未烚已经见到个芝士露咗出黎, 亦都食唔出有鹅肝味. 正常料有芝士肠, 云吞, 鱼皮饺等. 云吞除咗条云吞尾过长之外都几好食. 另外呀比叫咗炸鱼皮, 鱼皮最怕淋pat pat,
::: 肉类 :::
打边边就梗系唔少得肥牛! 呢度d牛都几新鲜, 有雪花, 不过牛味就唔太浓. 另外普通料如猪羊鸡手切牛都有~ 特别d有驼鸟肉, 食落比牛肉更好味, 仲有牛展, 烟烟韧韧的比肥牛更有咬口更浓牛味! 仲有唔好食都好玩嘅墨鱼滑同牛肉滑, 真系好滑! 令人惊喜嘅竟然有带子叫! 虽然系细细粒嘅薄切但系味道都唔错.
::: 粒粒丸类 :::
好欣赏佢d手打肉丸有猪肉丸, 牛肉丸, 鸡肉丸, 墨鱼丸, 细细粒好弹牙而且感觉新鲜. 不过质地实咗d. 其他有d特别丸好似芝士牛丸, 鹅肝猪肉丸就比较逊色. 未烚已经见到个芝士露咗出黎, 亦都食唔出有鹅肝味. 正常料有芝士肠, 云吞, 鱼皮饺等. 云吞除咗条云吞尾过长之外都几好食. 另外呀比叫咗炸鱼皮, 鱼皮最怕淋pat pat, 不过呢个十分脆口, 浸大慨3-4秒吸收咗沙爹汤嘅精华而仲十分脆~
::: 蔬菜类 :::
菜类颇多~ 生菜白菜苗绍菜韭菜油墨菜等一一有齐. 冬瓜南瓜番茄粟米金菇豆腐都系我挚爱~ 都够甜同新鲜.
总括黎讲食物都不错. 不过款就唔够其他打边炉特别… 而且真系超爆嘈! 我地隔离台有张大台有家人食晚饭. 两个小妹妹玩到去我地个位隔离尖叫都冇人理!!! 好讨厌啰!!! 再想打边炉我宁愿食抵食d嘅新星或者质素更好嘅稻香!
张贴
