壹蒸鍋

其实我好少写评语，但我忍唔住。食物有质素，虾同龙虾都好新鲜，虾仲识郁，龙虾又弹牙。员工服务态度良好，除左一个，果个女员工，短发，好差，讲野冇尾音，语气劲掘，系个场度闹d同事， 系咁咆哮，劲嘈。其实如果客人够钟，可以走埋去，有礼貌咁示意：你好，last order仲有30分钟，or你好，仲有15分钟够钟数， or你好，已经够钟，其他同事有咁做， 但佢唔系，大庭广众，大叫，呼喝，咆哮，闹同事，专登劲大声咁话xx号枱呀，仲未走，出面有客等紧etc，专登俾个客听到，吓到我地鸡咁脚走，口罩都带唔切，怕左佢，怕其他员工受罪。我唔知佢咩title，就算经理同老板都唔应该咁对同事，同客人，应有个人维养，待人接物要有基本尊重，唔系赶客，倒米。我明白，好多人觉得大声，唔代表无礼貌，但如果语气放轻，多d微笑，发放正能量，好多时都系相向大家都开心，同事返工开心，客人黎食野开心，会再返黎食，或介绍朋友黎，大家个关系系Long term， 公司赚到钱，生意兴隆，3赢。希望佢愿意检讨及改进，如果本身个性格系咁强势，应该好好考虑下，仲适唔适合做服务性行业，因为返工既同事，同黎食野既客人，都唔想受气。