重慶劉一手火鍋店 (旺角商業大廈) (已結業)

最近因为疫情关系好多餐厅都好早收，大概9:30左右见到旺角刘一手话系收凌晨所以行入去睇睇，喺楼下一楼见到有套餐，影咗张相，跟住职员就话我哋10:30last order ，11:30 离坐，都觉得有两个钟可以食所以都选择左入去。睇来睇去所有餐牌都唔见有楼下影相既套餐，举手举左劲耐冇人理，终于有个男仔理我，时间关系，我直接同佢讲叫楼下影左相既套餐，仲比张相佢睇，终于都落到单。之后大约15分钟上齐，都算快。牛肉好好食😋新鲜，鸭血配麻辣一流。其实成个过程食物都非常唔错，唯一缺点员工真系赶住收工，我自己都唔好意思唯有叫佢攞个外卖盒，每个外卖盒两蚊鸡我都觉得我系好应该俾佢，成个过程佢哋不停扫地抹枱，所以真系唯有11:15就走啦。