武館 (已結業)

女友在大角咀晚饭时经过武馆，于是就带我来试。本来都抱住一试嘅心态，但食完真系好味到不得不写篇食评赞吓呢间用心制作嘅小店！七点钟已经坐低咗，一路食到十一点几，食了4个半小时，无20款都有18款刺身，寿司同热食。每样食物既新鲜又特别，唔系一般omakase 食到嘅鱼！以下系一d必食推介: 金线鱼，虎河豚白子，北海道牡丹虾，山芋赤身，𩽾康鱼肝，汁煮金线鱼头，鱼汤乌冬等等。武馆最正嘅地方系，大厨武哥上每道菜都不慌不忙，唔似其他食店要赶第二轮生意，等您有足够时间品尝，消化，享受，同倾计。我心谂，如果每一样都赶住比我食，我未必食得晒全部！食咗大半晚都无乜点为d食物影相，因为实在太过享受d食物。但呢一个不得不影，就系虎河豚白子。有别其他白子，质地非常烟韧，味道亦都比较突出。另一推介就系用尽omakase d鱼去煲嘅鱼汤，非常鲜味，奉劝大家一定要配乌冬，最多饱的话叫武嫂将份量减半，否则会后悔。