波士廳•101

营业中

休息中

外父80大寿，想揾个特别嘅地方枱庆祝一下，最后拣咗喺九龙最高嘅大厦食饭，人多要包房，最低消费$12,600。呢度系代客泊车，但泊车嘅地方冇伤残电梯上到8楼转101楼电梯，个设计有啲奇怪？最后要先放低外父系8楼再返去一楼泊车，行动唔方便的老人家，有D麻烦。上到去101楼，原来都有几间餐厅，间间都好似几高级下，由餐厅门口行入去影相，睇晒成个西九龙嘅全景，大地在我脚下嘅feel，景观真系唔错，但最好梗系望中环嘅海景啦，下次可能要去其他望中环的餐厅试下。先订了午市商务套餐B，因为未过最低消费，最后加点每人一只带子同埋炸鸡。前菜的XO酱内干瑶柱份量好多，好香但又唔算辣，有水准，所以几个人空口都清佐3碟，立即叫侍应再上多几碟，最后比钱时发现每碟要收$23，都唔算平。先来点心拼盘，黑松露素菜饺嘅黑松露好突出，个皮亦都好烟靭好薄；虾饺亦到好似超过两只虾，好新鲜好爽脆；春卷就普通啦，个皮炸得唔系好脆或者烤完放耐左少少。生磨杏汁嫩白肺汤系成个套餐最好食嘅菜式，感觉真系老火汤，啲猪肺好淋好入味，杏汁味唔算重，反而都应该落咗唔少椰汁，好滋润好清甜。大漠风沙虾球其实系咸蛋黄虾球，唔见到风沙，虾及炸的水准还可以。