影片
更多
2017-04-17
7185 浏览
男友复活节带我来食晚饭庆祝下过下节。L16喺香港公园入面，环境靓，有室内有户外位。男友话订咗窗口位，但无晒，我入去望下都系黑麻麻，玻璃外都望唔到乜，而且我钟意坐户外，于是拣咗户外一角坐低，自成一角。可能真系太边，头头好难先叫到侍应攞杯水来，结果要男友自己行出去，叫水，攞埋枱灯仔同menu。买咗set，包两杯汽水，可以加$28换啤酒，三款拣，有1664 Blanc，正！木枱，滕椅加软垫，周围都系树，绿油油环境，食泰菜，饮冻冰冰啤酒，一大享受！好似去咗泰国咁。环境就正啦，但食物真系好一般。唔知点解间餐厅系日本菜加泰菜？只系泰菜会同呢个环境match啲。寿司 - 第一道系三文鱼同虾寿司，都ok嘅。冬阴公汤 - 用迷你碗装，唔太稠，好好饮，咁多食物最好味呢个。小食拼盘 - 春卷、虾饼、猪颈肉。虾饼好食，够肉够juicy。春卷好一般，无乜江涵。猪颈肉都好普通，切得细，唔juicy，酱又麻麻。炒贵刁 - 泰式炒饭/贵刁，我拣咗炒贵刁，因我我钟意食贵刁，而且都系要食泰菜先有得食。呢度出品又系好一般。唔香，花生碎系有嘅，但系食唔到个香味。姜汁炒芥兰 - ok嘅。爽口，唔会太咸。咖哩肉片 - 肉片好淋；
买咗set，包两杯汽水，可以加$28换啤酒，三款拣，有1664 Blanc，正！木枱，滕椅加软垫，周围都系树，绿油油环境，食泰菜，饮冻冰冰啤酒，一大享受！好似去咗泰国咁。
环境就正啦，但食物真系好一般。唔知点解间餐厅系日本菜加泰菜？只系泰菜会同呢个环境match啲。寿司 - 第一道系三文鱼同虾寿司，都ok嘅。
冬阴公汤 - 用迷你碗装，唔太稠，好好饮，咁多食物最好味呢个。
小食拼盘 - 春卷、虾饼、猪颈肉。虾饼好食，够肉够juicy。春卷好一般，无乜江涵。猪颈肉都好普通，切得细，唔juicy，酱又麻麻。
炒贵刁 - 泰式炒饭/贵刁，我拣咗炒贵刁，因我我钟意食贵刁，而且都系要食泰菜先有得食。呢度出品又系好一般。唔香，花生碎系有嘅，但系食唔到个香味。
姜汁炒芥兰 - ok嘅。爽口，唔会太咸。
咖哩肉片 - 肉片好淋；薯仔都够淋；洋葱啱啱好，爽口；但系咖哩唔够辣唔够香，又唔够热，系差少少。
甜品 - 椰汁西米糕、椰汁糕，都系普普通通。
呢度环境真系唔错，不过呢啲天时来，坐户外，真系会俾蚊针，我都中咗招。但系我钟意坐out door，唯有忍一忍人啦！来呢度饮下嘢坐下都ok嘅，啤酒draft full day $48，好抵！食嘢就唔好期望啦，真系好一般。
张贴
