慶樺海鮮菜館

营业中

休息中

没有故意来吃，只是路过，见到店舖有啲历史痕迹，亦都有人帮衬，就入去试吓。餐厅装修比较怀旧，餐具卫生程度一般，杯杯碟碟同埋水杯都要仔细用热水洗干净先至放心使用。三个人，叫咗一只乳鸽，三只鲍鱼，六只扇贝，一碟菜，同埋煎莲藕肉饼。乳鸽唔系太够味，普普通通。香煎肉饼唔错，几香口，好适合送啤酒。唔记得呢个叫椒盐鲍鱼定系避风塘鲍鱼，应该是大连鲍鱼。大约$98 /只，加一后呢碟三百几，以佢嘅装修服务同埋地点来说，又唔系太值。扇贝就唔贵，好似$48只，蒸得比较干。金银蛋浸时蔬，呢碟最好食。结论：街坊小菜馆，食小菜可以，海鲜之类可以去第二度食。以上食物埋单九百几蚊，可以有更好选择。