影片
更多
2024-06-01
438 浏览
强记小食，鱼蛋ok，烧卖真心唔好食，职员态度就同现今香港的士业有得媲美咁亲切，可能系学左五条悟老师嘅「无下限术式」，态度一样「无下限」话说今日2024年5月28日放工经过买左一串鱼蛋一串烧卖医肚，串烧卖阿姐拎俾我时求求其其浸佢桶豉油，搅到最后一粒浸唔到仲系白晒晒，我望左佢枱面又无额外豉油樽比我补飞，唯有打算好似阿姐咁成串快快手再浸浸个豉油桶加啲色，依个时候入面睇场个金发中年一个隔手用力推开我只手，再用一把叫你过住声线讲左句「你当自己屋企牙？要就开声啦！」，拿，行过路过仲要后巷舖污污糟糟嘅地方食串鱼蛋烧卖，本来就都预左俾啲下等服务架喇，甚至乎粗声气啲对我讲句「唔好自己浸豉油」我都好OK，始终每档街边档都运作唔到，不过当你选择同啲客激情交流，闹啲客话我当左佢档污糟邋遢嘅巷仔鱼蛋档系自己屋企就真系「江华JPEG」对自己太有自信喇，，阿老哥你仲要著住件写住大大只中文字「多多指教」嘅Tee开工，我都觉得你好有喜感🙃系呀我系话你呀，金发中年，开工闹客呢就真系无问题架，做香港饮食业有边个唔系一路用一幅「食定唔食唔食就咪食快啲过住咪阻住晒我吉住间舖无生意咁玩手机」嘅面口对客，一路又闹啲香港人唔消费啲客
话说今日2024年5月28日放工经过买左一串鱼蛋一串烧卖医肚，串烧卖阿姐拎俾我时求求其其浸佢桶豉油，搅到最后一粒浸唔到仲系白晒晒，我望左佢枱面又无额外豉油樽比我补飞，唯有打算好似阿姐咁成串快快手再浸浸个豉油桶加啲色，依个时候入面睇场个金发中年一个隔手用力推开我只手，再用一把叫你过住声线讲左句「你当自己屋企牙？要就开声啦！」，拿，行过路过仲要后巷舖污污糟糟嘅地方食串鱼蛋烧卖，本来就都预左俾啲下等服务架喇，甚至乎粗声气啲对我讲句「唔好自己浸豉油」我都好OK，始终每档街边档都运作唔到，不过当你选择同啲客激情交流，闹啲客话我当左佢档污糟邋遢嘅巷仔鱼蛋档系自己屋企就真系「江华JPEG」对自己太有自信喇，
，阿老哥你仲要著住件写住大大只中文字「多多指教」嘅Tee开工，我都觉得你好有喜感🙃
系呀我系话你呀，金发中年，开工闹客呢就真系无问题架，做香港饮食业有边个唔系一路用一幅「食定唔食唔食就咪食快啲过住咪阻住晒我吉住间舖无生意咁玩手机」嘅面口对客，一路又闹啲香港人唔消费啲客唔俾啲臭钱我赚丫，之但真系真系真系唔好再著住件「多多指教」Tee开工喇，搅到依4个字意像cheap晒之余，亦搅到你表里咁不一就唔好啦，话晒你咁有型大力格手再闹客㖞🙃俾人见到你著「多多指教」Tee觉得你有服务有态度咁就唔系咁好啦
张贴