大家姐 (已結業)

今日行个荃湾大家姐，肚饿啦谂住食个碗仔翅，谂住食个细碗的，我见堂食冇乜位谂住外卖啦。排到埋去个阿姐问我响度食定攞走，我多口问句咁有无位，个阿姐答我咁有嘅。咁好啦咁我话坐喺度食啦。响𠮶度食过嘅人都知几乱驾啦。我之前系排一个男仔佢就买咗五个碗仔翅，我见第六碗出嚟啦咁我心谂系我架啦。其实我系第一次喺呢间度食嘢，咁我攞住个碗碗仔翅就坐喺度食啦。食食吓个就大大声好恶咁话我，话我用咗＄15买细碗就攞错个大碗嘅，叫我比番＄5。个态度令我觉得好似有心欺骗佢咁。比＄5唔系问题，问题系个态度唔使咁恶下丫。我第一次食边度知道佢系大碗定细碗。食物又唔见得特别好味，态度又差，冇下次！