影片
更多
2017-07-21
88 浏览
两点几，一行五人起又一城揾食，见到店面装潢几有格调﹐间野应该主打甜品，有意粉set，menu价钱ok就入去。坐既系店舖外比较简陋既位，地下有d污糟，我地肚饿想即刻坐低食野，都唔介意坐咩位。睇完一轮menu，order左三个意粉set同两个甜品。意粉set跟饮品同沙律，等左一阵，沙律只上左两个，意粉上左一个。我地谂可能漏单，叫店员check check。明明只系好简单，我地都好清晰话比店员知我地叫左边三个意粉，而家只有一个到左，去睇返机落左边个，咪知道落漏边个啰，店员竟然拎番佢手写果张单，走黎问番我地系边个冇落，哗最好我地做客既系会知啦。第一碟意粉食完，过左一阵甜品芒果雪山黎左一个，漏果个沙律又到左，叫做人人都有d野落肚啦。第一碟意粉系瑞士鸡翼鲜菌意粉，鸡翼好食，菇味道太重，意粉味道太淡，冇再食既意欲。叫既甜品芒果雪山外观同menu相差别极大，配料样样都有但少过menu既相，不过味道都ok，可以接受。冇几耐第二三碟意粉都到左，朋友话卡邦尼烟三文鱼意粉ok，拿破伦香饮品(唔甜既果茶)分左一次一杯同一次两杯咁上，怪怪地，唔知点解饮品后上，仲要分左两次上三杯饮品。直到清哂台面所有食物，orde
意粉set跟饮品同沙律，等左一阵，沙律只上左两个，意粉上左一个。我地谂可能漏单，叫店员check check。明明只系好简单，我地都好清晰话比店员知我地叫左边三个意粉，而家只有一个到左，去睇返机落左边个，咪知道落漏边个啰，店员竟然拎番佢手写果张单，走黎问番我地系边个冇落，哗最好我地做客既系会知啦。第一碟意粉食完，过左一阵甜品芒果雪山黎左一个，漏果个沙律又到左，叫做人人都有d野落肚啦。
第一碟意粉系瑞士鸡翼鲜菌意粉，鸡翼好食，菇味道太重，意粉味道太淡，冇再食既意欲。
叫既甜品芒果雪山外观同menu相差别极大，配料样样都有但少过menu既相，不过味道都ok，可以接受。
冇几耐第二三碟意粉都到左，朋友话卡邦尼烟三文鱼意粉ok，拿破伦香饮品(唔甜既果茶)分左一次一杯同一次两杯咁上，怪怪地，唔知点解饮品后上，仲要分左两次上三杯饮品。
直到清哂台面所有食物，order左既甜品栗子松饼仲未到，但无啦啦又多第四个沙律比我地，店内既传菜真系混乱到一个极点。我地叫店员睇睇系咪漏左栗子松饼，店员话栗子松饼系耐d，要等半个钟。我地话「下，我地已经食哂其他野，都坐左半个钟啦」，店员话check check，结果真系漏单，我地就埋单走人，五个人只食左四份食物，饿住咁走，埋单6人共$249(三意粉一甜品)。
成个过程冇店员为漏单表示歉意，我地比完钱离店都冇人讲「多谢帮衬」「拜拜」。店员全部冇咩笑容，态度未至于好恶劣，但冇所谓到好似唔想做人生意咁。呢间野只有店面装潢靓，意粉麻麻，甜品只试左一个，无法客观评论甜品质素，但整体经验非常差，绝对唔会想再帮衬，系除左大学canteen外我食过服务最差既餐厅。店内客唔多，四个楼面店员都咁慢咁乱，服务差仲要收加一，冇下次既餐厅。
张贴