影片
更多
2019-12-26
121 浏览
同朋友食饭想揾一间无限时既餐厅，可以慢慢食慢慢倾下计，同想支持下黄店就选择左系Doux食饭。早系一个星期前打左3次电话男同女店员都话可以唔限时，第一次话12月23号可以安排无限时，第二次问经OpenRice订座用优惠可唔可以无限时都答可以，第三次话要6点30打后先可以做到无限时我都改成6点30。但实际去到餐厅就话今晚唔可以无限时，揾左个疑似女经理既店员问点解前后打左黎3次问黎到又变成唔可以无限时，个女店员好不情愿先话可以用返优惠同无限时。其实做唔到就由一开始讲定咁一定唔会book黎食饭，前前后后问左3次都话可以做到既时候，点解黎到又讲到做唔到？仲要发悔气话照比返无限时同优惠但唔好同老板讲？都算，照点餐食完就算，点左2个小食4杯饮品3个主食同2个甜品。先黎小食黑松露薯条，炸过龙硬到pk。4杯饮品，朋友杯cocktail变左无酒精，叫佢换就话加返酒，一句唔好意思都无！加返酒都无酒味都唔知加左咩，仲要揼杯野落黎！废事被加料算照饮。等左阵黎个洋葱汁鹅肝意大利烩饭。鹅肝正常，个饭少到萨莉亚都多过佢，仲要无口感太多汁。芝士小食正常无特别猪鞍近骨既位仲有血水未熟哂，同时个个位无咩肉就算，但都叫唔差好
早系一个星期前打左3次电话男同女店员都话可以唔限时，第一次话12月23号可以安排无限时，第二次问经OpenRice订座用优惠可唔可以无限时都答可以，第三次话要6点30打后先可以做到无限时我都改成6点30。
但实际去到餐厅就话今晚唔可以无限时，揾左个疑似女经理既店员问点解前后打左黎3次问黎到又变成唔可以无限时，个女店员好不情愿先话可以用返优惠同无限时。其实做唔到就由一开始讲定咁一定唔会book黎食饭，前前后后问左3次都话可以做到既时候，点解黎到又讲到做唔到？仲要发悔气话照比返无限时同优惠但唔好同老板讲？
都算，照点餐食完就算，点左2个小食4杯饮品3个主食同2个甜品。
先黎小食黑松露薯条，炸过龙硬到pk。
4杯饮品，朋友杯cocktail变左无酒精，叫佢换就话加返酒，一句唔好意思都无！加返酒都无酒味都唔知加左咩，仲要揼杯野落黎！废事被加料算照饮。
等左阵黎个洋葱汁鹅肝意大利烩饭。
鹅肝正常，个饭少到萨莉亚都多过佢，仲要无口感太多汁。
芝士小食正常无特别
猪鞍近骨既位仲有血水未熟哂，同时个个位无咩肉就算，但都叫唔差好食肉质好淋。
朋友叫左牛肉但本人唔食牛所以无咩评价，但等左差不多一个钟先黎到，听朋友讲又唔系特别好食。
Ruby peach 好酸唔似桃味，得个样靓但唔好味唔值成旧水。
蜜蜂个个好过桃，但食完系无食左甜品既感觉。
本来都无谂住写食评但成餐饭人均400仲要受气，食物同质素同价钱唔成正比，仲要比餐厅话我取消左订座？我都想知我取消左以上既系咩黎？
有其他黄店仲好过Doux，对我黎讲绝对无下次！
就算系黄店但食物质素同服务态度都有需要提高！如果唔系比完机会都唔会再食。
张贴
