澳門九記清湯腩王 (已結業)

晚上6点几，由于赶住上堂，行过见到这间舖头有粉面供应，便入去快快手谂住填饱个肚就算。入到舖头，见到得返中间几张长枱有位，便在最入张枱坐下来，叫了清汤牛腩河和冻奶茶。不久，有一班人顾客来了，侍应问可否转一转位，心谂冇所谓啦。牛腩粉来了，汤底冇乜特别，一般味道，牛腩好鞋，好似煲完汤既感觉，入面仲有一块萝卜，都系一般，跟住，又有另一班顾客来了，侍应又要求我转枱，唔系嘛又要我转枱？唔叫其它人转？我好虾Ｄ咩？已经一肚气饱哂！第二次转枱后，同侍应讲杯奶茶还未到，换来一句好串的回覆：「等Ｄ人坐定先啦！」最后奶茶黎到，味道都系唔掂。一边食一边留意班侍应点对其它顾客，有一个顾客来了，有张吉左既２日枱，侍应都要求佢同其它顾客搭枱，结果佢都系要好迫，唔多ＬＩＫＥ咁搭左一张２人枱度。今时今日咁既服务态度，真系要揾刘华出来评一评了。埋单三十几蚊，咁既价钱，去食上环九记好过。