喜遇 (已結業)

一个人喺利东街揾嘢食，见到喜遇，店舖几特式，又唔驶等位，入咗去试下。见到佢个私房特餐，啱晒一个人食，叫咗我钟意嘅回锅肉，先饮一啖佢地跟餐嘅中式汤，味道普通，不过就唔系好够热。小食有二款，一款喺烤夫，比较甜口，都好入味。另一款喺炸菜鸡肾，鸡肾都几爽，几好食。回锅肉有少少辣，不过椰菜同豆腐干好多，肉就好少，味道唔错，好惹味，好快成碗饭食清光。另外个餐仲有甜品马豆糕，餐饮叫咗玄米茶，帮助消化，消吓滞。其实D嘢食味道都ok，个餐好似有好多嘢食，不过每样都喺得少少，份量好细，如果好肚饿，真系会唔够饱。