瑞士咖啡室 (已結業)

今次跟朋友黎到钻石山上皮银包制作Workshop，整完之后走左去附近既茶餐厅食个下午茶。呢间瑞士㗎啡室门面睇落一啲都唔觉得呢度有间茶餐厅，哈哈哈哈。有个棚遮住左个入口，但入到去，企企理理，睇落又几okay㖞。望望餐牌，啲野都唔系平，我叫左个下午茶吉列炸鱼薯条。Waiter哥哥拎左几杯水过黎比我地，个杯有印住佢地餐厅名，都几别致。等紧野食既同时，八卦既我4围望，见到佢有一面墙有佢地个餐厅名，旁边仲有好一堆唔同既海报，黑板，摆设，写住好多茶餐厅既术语，同埋唔好Side野既字句。睇真啲，原来佢地个餐厅名个面墙，系用麻雀砌成嫁！！！好特别！里面应该有几副麻雀先砌到咁大。话咁快，我既下午茶到喇，野食热辣辣，抵赞！食落薯条都几好，够热够脆。到个鱼柳，有少少失望，佢都系热辣辣，新鲜炸起咁，但美中不足既系佢有点太干，破坏左个鱼既肉质，好可惜，好彩有沙律酱点下，先冇咁Dry。朋友见呢度叫瑞士㗎啡室，就叫左瑞士鸡翼，原来真系佢地既招牌菜之一，早知我都叫瑞士鸡翼喇！