留白居酒屋 (已結業)

星期五夜晚，当然系与佳人约会，夜晚来到景峰呢间日式居酒屋，点左啲串烧拼盘同埋唔同既烧物，系估唔到一间咁细间咁骨子既食店，味道居然有好多惊喜。首先点左两份前菜小食，唐扬墨鱼咀同埋味琳鱼干，平时好少食，估唔到墨鱼咀都几脆，咀嚼感几好！味琳鱼干就不过不失，味道正常。然后到蚬汤乌冬，蚬既份量有6只，份量适中，然后每只蚬都几大只，同埋唔觉有沙同埋都几有质感，唔会太硬，蚬肉与汤底出奇地夹，两者揉合一齐都几好食。然后再点左一份鲍鱼，咬落去口感好软熟，鲍汁都好有鲜味；仲单独叫左份酱烧五花腩，腩片脆得黎亦好煎得好香，好有水准；接下来就到串烧拼盘，咁多串烧当中最钟意猪颈肉串，配搭起秘制既孜然粉，咬落又脆又有丰富既猪颈肉香，仲有烧茄子都好大块，好好食。最正必点既系牛油鸡比菇，搽左牛油落去之后，估唔到咁香咁好食，高度推荐大家去食晚市一定要点呢个小食。Overall黎讲，叫左近乎十样食物，都只系around $500左右，都几抵食，大家如果入到屯门，都可以试下呢一间小品。