頂好海鮮酒家

营业中

休息中

一家人食个饭，又吾想在家附近，于是就提议去尖沙嘴顶好，因为平时搭车出尖沙嘴都会见到，在弥敦道地牢的一间酒家，感觉好神秘，老豆话历史超过30年，又见好多名人帮衬，好似有d 信心，订了8时，早左几个字到，虽然抬有几张，但系部长就系都要我地等，呢下就吾系太爽。不过，后来解释因为在埋边一抬执紧所以要我地等，个位置都几好，条气即时顺番少少。屋企老人家多，一行5人，为免麻烦，就点了4人套餐，然后再加个送就算数。最搞笑个副部长一埋黎就问我地饮吾饮汤，但系我地话叫套餐的时候就话几个汤卖晒。。。有点滴汗。。。。最后都有个炖汤比我地。套餐都系大路野，烧味拼盘有水准，足料之余，感觉新鲜，叉烧半肥瘦，海蜇尤其是弹牙，赞。其他分量都好大碟，比起而家出面好多酒楼，价钱加左，碟头细左，呢样值得一赞。反而另外加的一个黑豆豆腐鱼滑煲，有惊喜，黑豆焖得软硬刚刚好配合鱼滑的质感，分量饱足，无名贵野但食到好味道总括来讲，旧式酒家始终有其经营之道。