皇庭匯 (已結業)

今日收工同几个同事开餐, 揾个坐得舒服, 可以坐得耐吹得水既地方。之前黎过饮茶, D点心做得唔错的。今晚4个人, 叫几个𩠌, 有个套餐蒸鲍鱼加半只盐焗鸡 , 百几蚊都几抵食!鲍鱼唔算大只, 但够弹牙, 蒸既时间好好, 唔韧, 配上淡淡豉油, 清清地几好味。半只盐焗鸡都几多, 个味道几好, 鸡肉嫩滑入味, 备有姜蓉, 𩠌饭好正!滑蛋虾仁, D虾好大只, 肉质弹牙, 个蛋加葱抄得几好, 唔会炒得太老。腊味烩菠菜, 切碎左既腊味, 加上秘制酱汁, 捞埋菠菜食, 同系第一次食, 咁既配搭又出奇地好甲, 好适合𩠌饭。