孖寶 (已結業)

星期六最好同家人食餐好，孖宝小馆系我偶然行过见到餐厅名好有趣，望入餐厅坐满人，好奇心驱使我入去食，然后发觉食物结论系快靓正，如是者食过几次，今日又黎擦过！我最钟意食榖饲猪，食落好嫩滑，厚度绝对够，所以口感好实在，切开中间见到刚好熟透又唔会过老，而烧汁我好多时都要另外再加，我都好欣赏烧汁同个扒配搭，如果用黑椒汁反而太重味，个意粉亦都好入味，用蒜蓉炒香，大人小朋友都好适合。另外一提，佢地餐汤，南瓜汤非常好味，好重南瓜味，又滑又够浓！餐厅服务员真系细心有耐性，因为我地带住小朋友，一开始已经安排较多空间既位置，提醒某刀具留意唔好整到小朋友，最后又会问下我地对食物既意见，十分欣赏他们的工作态度而且价钱真心好抵食。