Cafe Wellcome x BBQ Place (已結業)

今日系屋企冇嘢做，行咗去九展嘅Cafe Welcome x BBQ Place揾食。餐厅座位充足，环境舒适。叫咗两份Dinner Set，前菜都一大堆，认真丰富。南瓜忌廉汤味道香浓。烟肉薯蓉充满牛油香。主菜我就拣咗宏美什扒餐。什扒分别系猪扒、牛扒、鸡扒同肠仔，全部都大大件好抵食。薯菜分别系薯条、翠玉瓜同炒杂菇，用牛油炒过再洒上少少黑椒，就已经好好味。另一主菜就拣咗BBQ烧猪仔髀，猪仔髀总共有三件，调味刚刚好。餐饮我哋就拣咗冻柠茶同冻柠水，胜在够大杯。套餐仲包括一杯雪糕，系Häagen-Dazs同埋Movenpick，绝不欺场。餐厅外面仲有好大个露天位置，逢星期五六日就会推出BBQ套餐，估唔到喺九龙湾闹市之内都可以享受到户外BBQ，中秋过后一定要安排嚟一次。