星願 居酒屋 (已結業)

同朋友食lunch嚟咗呢間居酒屋，坐得都算舒服，服務人員嘅態度都好好，帶領我哋入咗之後，會主動講解餐牌有咩食，亦都會講有咩廚師推介，好嘅餐廳真係值得大家支持㗎😎我哋揀咗兩樣平時喺日本餐廳好少食嘅嘢，包括日式燒饅頭同士多啤梨汁燒湯丸🫣日式燒饅頭有啲似上海嘅炸饅頭，上面一樣都係鋪滿左煉奶，甜甜地好好味，不過日式燒饅頭就多咗種炭香味😋而士多啤梨汁燒湯圓一樣外層脆入面好eeumum,口感夠晒特別！估都估唔到我哋會叫燒蛋糕，甜甜嘅蛋糕🍰但有種燒烤香味，感覺好得意！🙈牛油果肥牛卷，牛油果軟熟，配埋肥牛一齊食，估唔到有嗰種火花喺度👍🏻玉子鰻魚燒好香甜，少少脆邊好正☺️黑蒜餃子拉麵🍜，個黑蒜餃子又幾好食😋唔似出面餐廳咁油淋淋，佢個皮好脆薄但入面嘅涵又好juicy!