竇

营业中

休息中

俾钱买难受 有虫仲要食到一肚气本身住开宝琳，见到呢间餐厅咁阔落，所以特登试吓佢既lunch。我点左一个酸菜鱼薯粉+芒果soda，饮品好快就上，但系酸菜鱼薯粉都等咗好耐，起码20分钟。以11:45呢个钟数 间舖都得1/3人 嚟讲 速度算慢。 味道方面还好，无论饮品定薯粉都算好食，但系食食吓发现入边有虫，叫侍应嚟问，佢都冇任何解释，直接收咗佢，换过份就算。以$77呢个价位，我expect食物既卫生应该做好啲，餐厅入边仲有啲乌蝇飞来飞去，食得唔舒服😵‍💫埋单𠮶阵，想同经理反映下卫生问题。不过其侍应话经理唔系度😐 话已经换个碟比我，讲到我好似想R著数咁。讲真唔系讲时间我都宁愿唔食埋单换下一间。佢哋处理嘅态度敷衍了事 只系系咁叫我出去埋单。咁嘅服务态度真系好食都冇下次。