廚魔

营业中

休息中

去埋今次，已经系第四次去呢度食饭。头一次系喺湾仔旧舖，之后去中环新铺。纯粹讲食物质素，咁多次都冇失望，有啲时候仲好有惊喜。举个例，佢今期𠮶个猪肠粉系重现返旧式猪肠粉嘅形态，但系又喺味道上面为你好大嘅冲击，因为用咗新嘅食材，带出新嘅口味。佢啲嘢食未必都啱我自己嘅口味，不过佢嘅创意你系唔能够轻视，负责餐饮嘅团队，系好抵赞。正正因为去过几次，所以感受到𠮶度服务嘅改变。最近去𠮶一次遇著个冇热诚冇诚意嘅服务员，解释𩠌菜非常求其，上菜嘅态度令我觉得自己去咗佐敦澳牛，唔知以为系自己刁难咗佢，要受佢气。不过都唔可以一竹篙打一船人，整体大部分服务员都系有热诚同埋有耐性，但系𠮶晚餐饭真系畀一条友搞祸咗😅其实都唔期望米芝莲二星嘅服务态度，只不过应该米芝莲一星都冇。贴钱买咗个体验，不过系唔好嘅体验。