白鮨 (林肯大廈) (已結業)

好友在bakery搞左个bridal shower一齐整面包, 之后几个姊妹食晚饭倾吓婚礼当日嘅安排。整完面包个个大包细包, 好在白鮨啲位好阔落, 我地4个人坐左个圆型梳化位, 梳化与梳化之间有好多位比我地放每人一大盒面包同袋, 个安排真系perfect! 我地点左个sushi platter, 一上枱已经觉得好吸引、好新鲜 服务员送上碟寿司时仲提我地左手边红色𠮶件系牛, 我觉得好细心, 因为真系好多人唔食牛。我拣左件鱿鱼寿司, 块鱿鱼上放左一支多叶植物嘅折技, 望落好似艺术品咁靓。食落口有淡淡香味而唔会有草青味, 而且支折技好嫩, 可以同件寿司一齐放晒入口, 唔使吐返啲枝出黎, 都几特别。碟豚肉生姜烧上枱时热辣辣出晒烟, 好新鲜! 洋葱同豚肉比例亦都啱啱好!呢个叫做温泉蛋鸡肉串烧, 食时将个鸡肉球沾落只蛋度, 都几好食、几香, 不过我觉得只蛋似生蛋多啲。海胆炒饭我系食唔到海胆, 但我啲朋友话有, 可能我挂住影相手脚慢左啦 不过其他海鲜料就好足, 落左啲美极落去炒, 又够镬气, 几好味 特别想赞啲服务员真系好贴心, 除左适时帮我地加茶外, 食到中途仲帮我地成杯茶收左换过一杯热嘅！好