壹玖陸零 (已結業)

去开观塘买嘢顺便揾个观塘番工嘅朋友食饭，佢话lunch食过呢间野几好食无投诉，相信晚市应该唔错可以一战，所以上左去试试。环境几舒服嘅，虽然个场用射灯但系坐落唔残眼，红砖墙有旧旧地feel，场内又播番d唔系时下现代歌曲（咩年代歌就唔识分）整体几有怀旧感觉。我地叫左香煎蟹饼配芒果莎莎酱、香辣蕃茄大虾意大利饭同慢煮法式猪鞍配青苹果茸焗薯粒。个蟹饼香脆咬到蟹肉足料，个意大利饭入口有d酸酸甜甜再食落又带d辣味口感几有层次唔错，猪鞍就大份，最怕咁大块猪会鞋口好难食，呢个唔错唔鞋口肉又嫩。侍应几有礼貌服务殷勤值得赞嘅，呢间野整体唔错，听讲个鸭胸几好食，下次再试个鸭胸