misocool (已結業)

呢间餐厅经常多人帮衬，但我一路都未去试，因为我觉得香港太多此类型餐厅，食物冇主题，未吸引倒我。当日又经过，实在唔明点解咁多人去食，一于去试试。餐厅环境设计简约，食具都有心思设计，主攻年轻人市场。食物方面有惊喜，北海道带子猪骨汤拉面汤底浓郁，带子鲜味都可以，仲有6只咁多，真扺食；日式蒸蛋够滑够热，好味；芝麻酱冷豆腐好香；最出色系杯冻咖啡，超级香浓，竟然咁好饮，升爸黑一杯都要$35，呢度成个餐都系$80，今时今日尖沙咀用咁既价钱食到咁既嘢，真系越嚟越少。